陈山聪身穿白色背心大晒麒麟臂。

陈山聪将于11月1日迎娶拍拖五年的圈外女友。

陈山聪经常会带Apple（中）出席好友聚会。

现年43岁的陈山聪凭无綫剧集《金宵大厦》演保安员阿萧，人气再度急升，首次担正男主角即大受欢迎，有望今年争视帝。山聪事业爱情两得意，他将于下月1日迎娶拍拖五年的圈外女友Apple，近日已陆续派喜帖给亲友。早前，他与Apple特别飞到法国拍摄婚纱照，相中两人以多个造型示人，面上更流露出无限的幸福，山聪望住Apple的眼神简直是甜到漏，再加靓景配衬，画面非常浪漫。 （文：植筱诗）

近年努力练跑的山聪，影婚照时身穿白色背心大晒麒麟臂。他表示和太太拍拖五年以来，甚少为对方做浪漫的事情，所以今次拍婚纱照，希望能带她到一个浪漫的地方影相补救，给对方一个美好的回忆：「法国係一个我相信大部分女仔都会锺意嘅地方，加上太太以往未去过法国，所以好想同佢喺呢度，影一辑靓靓婚纱相，成为我同佢之间一个最美好同难忘嘅回忆。」

获不少好友相助

今次拍摄婚纱相，山聪笑言出尽人情牌，获不少好友相助，令他能够用最有限的预算，做到最佳、最满意的效果，可谓落足本钱。山聪说：「摄影师Frankie係帮袁伟豪影写真嘅摄影师，亦係我哋嘅好朋友。化妆师同髮型师都係一向合作开嘅兄弟班。」至于服装方面，山聪就多得胡杏儿穿针引线：「佢哋婚纱店送咗一套由老闆亲自设计嘅婚纱，连裙上面嘅喱士都係由法国运返嚟做。」

出重金购买礼服

山聪又透露自己套礼服是出重金购买：「大家都知我係贪靓鬼，好彩有苏永康同佢太太仗义帮忙，我先得到呢套好有型嘅礼服。」问到世纪婚礼的预算？山聪说：「呢个美好回忆係唔可以用钱去衡量，婚纱相出嚟嘅效果好满意，只要係能力範围内做到，一定要令太太开心，希望大家睇到都锺意。」他表示11月1日的婚礼以简单形式进行，最重要是家人和最好的朋友在场，与众人分享喜悦，就是最美好的一晚。

否认未婚妻怀孕

从婚照可见，Apple不时侧身企，靠近山聪，疑似刻意遮肚，另一张黑白婚照，Apple又用手摸一下肚仔。问到是否双喜临门？山聪否认：「梗係唔係啦，唔好话佢肥啊，佢好伤心.。佢又唔係艺人，你哋睇惯Angelababy呀，所以觉得佢腰粗啰。佢只係摆只手喺肚度，有嘅而家都大晒啦，仲点出嚟见人。」会否考虑生小朋友？他说：「随缘，听天安排，如果个天畀一个我哋，我哋都好乐意去接受。」